gpsONE အကြာင်းတစ်စေ့တစ်စောင်း

gpsONE ဆိုတာကတော့ Qualcomm ကနေ ဖန်တီးထုတ်လုပ်တဲ့ မိုဘိုင်း GPS chipset ရဲ့ Brand နာမည်တစ်ခုပဲ ဖြစ်ပါတယ်။ ဒီနည်းပညာက မိုဘိုင်းဖုန်းတွေကနေတစ်ဆင့် သုံးစွဲသူရဲ့တည်နေရာကို တိတိကျကျနဲ့ မြန်မြန်ဆန်ဆန်သိရှိနိုင်ဖို့ ထောက်ပံ့ပေးတာဖြစ်ပါတယ်။

A-GPS (Assisted-GPS) နည်းပညာကို အသုံးပြုပြီး အသုံးပြုသူရဲ့ တည်နေရာကို ပိုမိုတိကျစွာ ဖော်ပြပေးတာလည်းဖြစ်ပါ တယ်။ ဒီနည်းပညာကို အခုအခါမှာတော့ E911 (Enhanced-911) ဆား ဗစ်လို့ခေါ်တဲ့ အရေးပေါ်အခြေအနေတွေမှာ ဖုန်းရဲ့တည်နေရာကို ထောက်လှမ်းသိရှိနိုင်ဖို့အတွက် အဓိကအသုံးပြုတာဖြစ်ပါတယ်။ ယခင်က ဆယ်လူလာဖုန်းတွေမှာ အသုံးပြုခဲ့တဲ့ တည်နေရာထောက် လှမ်းမှုစနစ်တွေထက် ပိုမိုအသုံးပြုလာတဲ့ နည်းပညာလို့လည်း ဆိုပါတယ်။

GPS ဂြိုဟ်တုကနေ ဖမ်းယူရရှိတဲ့ Signal နဲ့ ဆဲလ်ဖုန်းတွေမှာ ပါဝင်တဲ့ Signal နှစ်မျိုးရဲ့ ရလဒ်ပေါ် မူတည်ပြီး သုံးစွဲသူတည်နေရာကို ဒီနည်းပညာက အတိအကျ ညွှန်းပြပေးတာလည်းဖြစ်ပါတယ်။ gpsONE နည်းပညာက အစဉ်အဆက်အသုံးပြုခဲ့တဲ့ GPS နည်းပညာထက် ပိုမိုအားသာတဲ့အချက်က Satellite Signals အတွက် အနှောင့်အယှက်ဖြစ်စေတဲ့ အဆောက်အဦနှင့် လိုဏ်ခေါင်းလို အတားအဆီးဖြစ်စေတဲ့ တည်နေရာမျိုးမှာတောင် ဖုန်းရဲ့တည်နေရာကို တိတိကျကျ ညွှန်းပြပေးနိုင် တာဖြစ်ပါတယ်။

gpsONE မှာ Standalone, MS Based, MS Assisted, MS Assisted/Hybrid ဆိုပြီး ပုံစံလေးမျိုး ရှိတယ်လို့သိရပါတယ်။ Standalone က ဖုန်းမှာ မိုဘိုင်းကွန်ရက်ချိတ်ဆက်မှု လုံးဝမရှိတော့တဲ့ အခါမျိုးမှာ GPS Satellite Signal ကို အသုံးပြုပြီး ဖုန်းတည်နေရာကို ထောက်လှမ်းပေးတာ ဖြစ်ကာ MS Based ဖုန်းမှာ မိုဘိုင်းကွန်ရက်ရှိ အဆက်အသွယ်ရှိနေတဲ့အချိန်မှာ GPS စနစ်နဲ့တွဲဖက်ပြီး တည်နေရာကို ဖော်ပြပေးတာ ဖြစ်ပါတယ်။

MS Assisted က ဖုန်းမှာ မိုဘိုင်းကွန်ရက်ချိတ်ဆက်ထားပြီး သုံးစွဲသူအနေနဲ့ GPS signals နဲ့ Location Signals တွေ တစ်ပြိုင်နက်အသုံးပြုဖို့အတွက် ဆာဗာကနေ ပုံသေ Fix အနေနဲ့ သတ်မှတ်လုပ်ဆောင်တာဖြစ်ပါ တယ်။ MS Assisted/Hybrid ကတော့ အပေါ်ကဖော်ပြခဲ့တဲ့ MS Assisted နဲ့ လုပ်ဆောင်ချက် တူညီပြီး ကွန်ရက်စနစ်ကတော့ သတ်မှတ်ချက်တစ်ခုအပေါ်မှာသာ အသုံးပြုနိုင်တာမျိုးဖြစ်ပါတယ်။

( :: ပိုစ့်တင်သူ-ချမ်းမြေ့မောင် :: )

CHAN LAY (MCMM)

www.chanmyaemaung.net