Micro USB နှင့်ပတ်သတ်ပြီး...

Micro USB ဆိုတာကတော့ USB connector ရဲ့ မျိုးကွဲအခေါ်အဝေါ်တစ်ခုပဲ ဖြစ်ပါတယ်။ USB ရဲ့ အရှည်ကတော့ Universal Serial Bus ပဲ ဖြစ်ပါတယ်။ အဓိကအားဖြင့် USB စနစ်သုံးကြိုးတွေကို ကျွန်ပျူတာနဲ့ ချိတ်ဆက်ပြီး အချက်အလက်ဖိုင်တွေကို အလွယ်တကူ ကူးပြောင်းနိုင်ဖို့အတွက် အသုံးပြုတာဖြစ်ပါတယ်။ ကွန်ပျူတာနဲ့ ချိတ်ဆက်အသုံးပြုတဲ့ ထုတ်ကုန်ရဲ့ ထောက်ပံ့မှုပေါ်မူတည်ပြီး အထူးသီးသန့် drivers ဒါမှမဟုတ် တခြားသော ဆော့ဖ်ဝဲ အထောက်အပံ့မလိုဘဲ အသုံးပြု နိုင်မှာလည်းဖြစ်ပါတယ်။

အချို့ထုတ်ကုန်တွေကတော့ USB စနစ်အသုံးပြု ကြိုးကို ကွန်ပျူတာမှာချိတ်ဆက်ပြီး ထုတ်ကုန်ရဲ့ ဘက်ထရီကို အားပြန်ဖြည့်နိုင်ပါတယ်။ USB မှာ မတူကွဲပြားတဲ့ မျိုးကွဲတွေရှိသလို MicroUSB မှာ လည်း Micro-A ၊ Micro-B နဲ့ micro USB 3 ဆိုပြီး မျိုးကွဲတွေ ရှိပါတယ်။

Micro USB 3 က micro B နဲ့ ပုံသဏ္ဍာန် ဖွဲ့စည်းပုံမှာတော့ သိပ်မကွာခြားပေမယ့် USB 3 က ပိုမိုမြန်ဆန်မှုရှိတယ်လို့ ဆိုပါတယ်။ အခုလက်ရှိ အသုံးပြုနေကြတာကတော့ အဲဒီအမျိုးအစား တွေထဲက တစ်ခုပဲဖြစ်ပါတယ်။ တကယ်တော့ MicroUSB က USB ရဲ့ အရွယ်အစားထက် ပိုမို သေးငယ်အောင် ဖန်တီးထားတာ ဖြစ်ပါတယ်။ USB ရဲ့ စံသတ်မှတ်ချက်အတိုင်းပဲ MicroUSB စနစ်ကို plug-and-play နဲ့ hot-swappable အနေနဲ့ အသုံးပြုနိုင်ပါတယ်။

USB ရဲ့စံသတ်မှတ်ချက်ကို Compaq, IBM, DEC, Intel, Mircrosoft, NEC နဲ့ Northern Telecom စတဲ့နည်းပညာကုမ္ပဏီတွေက ပူးပေါင်းသတ်မှတ်ခဲ့ကြတာ ဖြစ်ပါတယ်။ အခုဆိုရင်တော့ Portable ထုတ်ကုန်တော်တော်များများဖြစ်တဲ့ စမတ်ဖုန်း၊ Tablet PC, MP3 Players, GPS Devices, Photo Printer နဲ့ ဒစ်ဂျစ်တယ်ကင်မရာတွေမှာ အချက်အလက်ကူးပြောင်းဖို့နဲ့ ဘက်ထရီအားကို ပြန်လည်ဖြည့်သွင်းဖို့အတွက် MicroUSB စနစ်ကို တွင်ကျယ်စွာ အသုံးပြုပြီဖြစ်ပါတယ်။



ပိုစ့်တင်သူ ( ::: ချမ်းမြေ့မောင် ::: )

CHAN LAY (MCMM)

www.chanmyaemaung.net