တစ်ကိုယ်တော်ခရီးသွားခြင်းဖြင့် ရရှိနိုင်သောအကျိုးကျေးဇူးများ

တစ်ကိုယ်တော်ခရီးသွားခြင်းဟာ လွယ်ကူတော့ကိစ္စတော့မဟုတ်ပါဘူး။
အထူးသဖြင့် လူငယ်တွေအတွက်ဆို ပိုပြီးတော့ ခက်ခဲမှာပါ။
အလုပ်ကိစ္စကြောင့်ပဲဖြစ်ဖြစ်၊ အားလပ်ရက်အပန်းဖြေခရီးပဲဖြစ်ဖြစ် တစ်ကိုယ်တော်ခရီးသွားခြင်းဟာ အတွေ့အကြုံအသစ်တွေ၊ အကျိုးကျေးဇူးကောင်းတွေ ရရှိစေမှာဖြစ်ပါတယ်။
.
(၁) ဘယ်လိုဦးဆောင်ရမလဲ သင်ယူနိုင်တယ်
---------------------------------------------
သင်ဟာ သင့်ဘ၀ဆိုတဲ့ ရုပ်ရှင်တစ်ကားမှာ သင်ပဲ Producer သင်ပဲ ဒါရိုက်တာ၊ သင်ပဲ ဇာတ်ဆောင်အဖြစ် အသုံးတော်ခံရမှာပါ။ သင်ဟာ တစ်ကိုယ်တော် ခရီးသွားဖို့လေယာဉ်(သို့မဟုတ်) ကားပေါ် စတက်လိုက်တာနဲ့
ကိုယ့်ကိုကိုယ် တာဝန်ယူရတော့မယ်ဆိုတဲ့ ခံစားချက်ကို ခံစားမိစေမှာပါ။
ကိုယ်ပိုင်ဆုံးဖြတ်ချက်တွေချရမှာဖြစ်ပြီး ကိုယ်ဘယ်လောက်အစွမ်းအစရှိလည်းဆိုတာရှာဖွေနိုင်မှာလည်းဖြစ်ပါတယ်။
.
(၂) သက်တောင့်သက်သာနေခြင်းကနေ စွန့်ခွာနိုင်မယ်
----------------------------------------------------
တစ်ကိုယ်တော်ခရီးထွက်ခြင်းဟာ တကယ့်ကိုအဖိုးမဖြတ်နိုင်တဲ့
အတွေ့အကြုံတစ်ခုပဲဖြစ်ပါတယ်။ လောကကြီးမှာ
ကိုယ်ထင်ထားတာနဲ့ လုံးဝကွဲပြားတာတွေဖြစ်တတ်တယ်ဆိုတာလည်း သင်ယူနိုင်မှာဖြစ်ပါတယ်။ တစ်ဦးတည်းဖြစ်ပြီး မည်သူ့ကိုမှမှီခိုစရာမရှိတဲ့အတွက်
သက်တောင့်သက်သာတော့ရှိမှာမဟုတ်ပါဘူး။ ဒါဟာလည်း တန်ဖိုးရှိတဲ့
အတွေ့အကြုံကောင်းတစ်ခုဖြစ်လာမှာပါ။
.
(၃) တစ်ဦးတည်း သာယာတဲ့အခိုက်အတန့်တွေကို အပြည့်အ၀ခံစားနိုင်မယ်
--------------------------------------------------------------
တကယ့်ကို အံ့သြမှင်သက်ဖွယ် မြင်ကွင်းတွေ၊ ရှုခင်းတွေနဲ့
ဒေသမတူ၊ ယဉ်ကျေးမှုမတူတာတွေကို အပြည့်အ၀လွတ်လပ်စွာခံစားနိုင်ပါလိမ့်မယ်။ဘေးမှာလည်း ဘယ်သူမှမရှိပဲ တစ်ယောက်တည်းနစ်မြစ်ပြီး
စိတ်လွတ်ကိုယ်လွတ် အရသာကို ခံစားနိုင်ပါလိမ့်မယ်။
.
(၄)ပြဿနာတွေကို ကိုယ်တိုင်ဖြေရှင်းတတ်လာမယ်
---------------------------------------------
နေရာဒေသအသစ်နဲ့ အသားမကျတာတွေ အပြင် တခြားပြဿနာတွေ အမျိုးမျိုးလည်းကြုံတွေ့လာနိုင်မှာဖြစ်ပါတယ်။ ညဖက်တွေသွားလာတာတွေ၊ တွေ့တဲ့လူတိုင်းကို အလွယ်တကူမယုံကြည်သင့်တာတွေ စတာတွေကို ဂရုစိုက်ရမှာဖြစ်ပါတယ်။ကြုံတွေ့လာတဲ့ပြဿနာတွေကိုဖြေရှင်းရင်း မိမိကိုယ်ကိုအားကိုးစိတ်ဖြစ်ပေါ်လာပြီးပြဿနာတွေလည်း ဖြေရှင်းတတ်လာပါမယ်။
.
(၅) ဘ၀မှာဘာအရေးကြီးဆုံးလဲဆိုတာ ရှာဖွေနိုင်မယ်
------------------------------------------------
ကျွန်တော်တို့ နေ့စဉ်ဘ၀ထဲဟာ အလုပ်အကြောင်း၊ ငွေအကြောင်း၊ လူတွေရဲ့အမျိုးမျိုးအဖုံဖုံသော
ဇာတ်လမ်းတွေ၊ အတွေးပေါင်းမြောက်မြားစွာနဲ့ မွန်းကျပ်စရာကောင်းလှပါတယ်။တစ်ကိုယ်တော်ခရီးသွားခြင်းဖြင့် ဒီနေ့ဘာနေ့ဆိုတာ မေ့ထားနိုင်မယ်၊ ဘယ်အချိန်ရောက်ပြီလဲမေ့ထားနိုင်မယ်။
အလုပ်အကြောင်းမေ့ထားနိုင်မယ် စသည်ဖြင့် ပျော်ရွှင်လွတ်လပ်မှုကို အပြည့်အ၀ခံစားနိုင်ပါမယ်။သင် ခရီးကပြန်ရောက်တဲ့အခါ လန်းဆန်းတက်ကြွတဲ့စိတ်နဲ့ ပြဿနာကြီးလို့ထင်ရတဲ့အရာတွေက ဖြေရှင်းရလွယ်ကူသွားမယ်။
အခက်အခဲတွေဟာ လွယ်ကူသွားမယ်။ လောကကြီးကို လန်းဆန်းတက်ကြွပြီး ခွန်အားပြည့်ဝနေတဲ့မျက်လုံးတွေနဲ့ ရှုမြင်နိုင်ပါလိမ့်မယ်။
.
မြန်မာနိုင်ငံအတွင်းမှာဆိုရင်တော့ မြိတ်ကျွန်းစု၊ ပုဂံ၊ ကမ်းခြေတစ်ခုခု စသည်ဖြင့် သာယာလှပတဲ့နေရာတွေ တစ်ကိုယ်တော်ခရီးထွက်ပြီး
စိတ်ဖိစီးမှုတွေကို လျှော့ချနိုင်ပါတယ်။
___________
လင်းထက်မော် (Focus Youth E-magazine)
Ref : LH

အဆင်ပြေပါစေ..

မောင်ပေါက်< Knowledge Note >
www.maungpauk.org

Soft : Mb

UserCloud Download Link

Tusfiles Download Link

Mediafire1 Download Link