ဖုန်းမှန်ပေါ်က အစင်းရာတွေကို လုံးဝဖျောက်ပစ်နိုင်မယ့် နည်းလမ်းငါးသွယ်

ဖုန်းကို အိတ်ကပ်ထဲမှာ သော့တွေနဲ့အတူ ရောထားတာ၊ အမှတ်တမဲ့ ဖုန်းလွတ်ကျတာတွေကြောင့် ဖုန်းမှန် ပေါ်မှာ အစင်းရာတွေ ဖြစ်ပေါ်တတ်ပါတယ်။
ဖုန်းက ဘယ်လောက်ပဲလုပ်ဆောင်ချက်ကောင်းမွန်နိုင်ပါစေ၊ ခြစ်ရာထင်းရာတွေ ပြည့်နှက်နေတဲ့အခါ၊ သုံးရတာ စိတ်ချမ်းသာမှုမရှိသလို၊ ဘယ်လောက်ပဲဒီဇိုင်းလှတဲ့ဖုန်းဖြစ်ဖြစ်၊ အစွန်းအထင်းတွေနဲ့ဆို ရုပ်ဆိုးသွားတတ်ပါတယ်။
ဒါဆို ဖုန်းပေါ်က အစင်းရာတွေကို ဘယ်လိုဖျောက်ပစ်မလဲ။ ဟုတ်ကဲ့၊ ဖုန်းပေါ်က အစွန်းအထင်းတွေကို အမြန်ဆုံးနဲ့ အလွယ်ဆုံးဖျောက်ပစ်နိုင်မယ့် နည်းလမ်းလေးတွေရှိပါတယ်။ ပထမဦးဆုံး သတိထားရမှာက၊ ဖုန်းကို အရင်ဆုံးပါဝါပိတ်၊ ဘက်ထရီထုတ်ကာ၊ စပီကာအပေါက်တွေကို တိပ်နဲ့လုံအောင်ပိတ်ပြီးမှ လုပ်တာက ဖုန်းထဲကို အရည်မ၀င်နိုင်တော့ဘဲ ပိုမိုစိတ်ချရမှုရှိပါတယ်။
၁။ သွားတိုက်ဆေး
အစွန်းအထင်းတွေပြည့်နေတဲ့ ကိုယ့်ဖုန်းလေးကိုကြည့်ပြီး စိတ်ညစ်နေရသလား။ သင့်ဝေဒနာကို ကုသပေးမယ့် ဆေးက သင့်ရေချိုးခန်းထဲမှာတင် ရှိပါတယ်။ အသုံးပြုနည်းကတော့

• သွားတိုက်ဆေးအနည်းငယ်ကို သန့်ရှင်းတဲ့အ၀တ်စ (သို့) ဂွမ်းစနဲ့ ယူပါ။ (ဂျယ်ပါဝင်တဲ့သွားတိုက်ဆေး မဟုတ်ဘဲ၊ သာမန်သွားတိုက်ဆေးဖြစ်ရပါမယ်။)
• အစင်းရာထင်နေတဲ့မှန်တစ်ဝိုက်မှာ၊ စက်ဝိုင်းပုံစံလမ်းကြောင်းအတိုင်း အစင်းရာတွေပျောက်သွားတဲ့အထိ ဖြည်းညှင်းစွာပွတ်ပေးပါ။
• ထို့နောက်၊ ရေမဆိုစလောက်လေး စွတ်ထားတဲ့အ၀တ်စတစ်ခုနဲ့ သွားတိုက်ဆေးပွတ်ထားတဲ့ မှန်နေရာကို ပြောင်သွားအောင်ပွတ်ပေးလိုက်ရင်၊ ဖုန်းမှန်ပေါ်က အစင်းရာတွေ မျက်လှည့်ပြသလို ပျောက်သွားမှာပါ။

၂။ မုန့်ဖုတ်ဆိုဒါ (Baking Soda)

• ခွက်သေးတစ်ခွက်ထဲမှာ မုန့်ဖုတ်ဆိုဒါ နှစ်ဆ၊ ရေတစ်ဆကို ထည့်ပါ။
• ထူပျစ်လာတဲ့အထိ မွှေပေးပါ။
• မွှေလို့ရလာတဲ့ မုန့်ဖုတ်ဆိုဒါအနှစ်ကို အ၀တ်သန့်တစ်ခုနဲ့ ယူပြီး၊ အစင်းရာရှိတဲ့ ဖုန်းမှန်ပေါ်မှာ စက်ဝိုင်းပုံစံလမ်းကြောင်းအတိုင်း ဖြည်းညှင်းစွာပွတ်ပေးပါ။
• ထို့နောက်၊ ရေအနည်းငယ်စွတ်ထားတဲ့အ၀တ်သန့်တစ်ခုနဲ့ ဖုန်းမှန်ကို သန့်ရှင်းပေးလိုက်ရင် အစင်းရာတွေ ပျောက်သွားတာကို တွေ့မြင်ရပါမယ်။

၃။ ဘေဘီပေါင်ဒါ
သားသားမီးမီးတို့အတွက် သုံးတဲ့ပေါင်ဒါကိုလည်း အထက်ပါ Baking soda နည်းအတိုင်း ပြုလုပ်ပြီး ဖုန်းမှန်ပေါ်က အစွန်းအထင်းတွေကို ဖျောက်နိုင်ပါတယ်။

၎။ ဟင်းသီးဟင်းရွက်ဆီ
ဟင်းသီးဟင်းရွက်ဆီကတော့ ခဏတာပဲ ဖုန်းပေါ်က ခြစ်ရာ၊အစင်းရာတွေကို ဖျောက်ပေးနိုင်ပါတယ်။ တစ်စက်၊ နှစ်စက်လောက်ပဲ ဖုန်းမှန်ပေါ်ချပေးပြီး၊ အ၀တ်သန့်နဲ့ စက်ဝိုင်းပုံလမ်းကြောင်းအတိုင်း ပွတ်တိုက်ပေးပါ။
၅။ Brasso ,Silvo စတဲ့ သတ္တုအရောင်တင်ဆေး
ဒီနည်းလမ်းကတော့ နည်းနည်းသတိထားလုပ်ရပါမယ်။ Brasso တို့ Silvo တို့လို သတ္တုကြေးချွတ်၊ အရောင်တင်ဆေးနဲ့ ခြစ်ရာဖျောက်တဲ့အခါ၊ တခါတလေ ဖုန်းမှန်ကိုအပေါ်ကအုပ်ထားတဲ့ အလွှာကို ပျက်စီးစေပြီး၊ ပိုကြီးတဲ့ အစင်းရာတွေထင်နိုင်ပါတယ်။ ( မိမိဆန္ဒအလျောက်လုပ်လိုက လုပ်နိုင်ပါတယ်)

• ခွက်သေးတစ်ခုထဲ သတ္တုကြေးချွတ်ဆေးကို လောင်းထည့်ပါ။ ခွက်အောက်မှာ အ၀တ်ဟောင်းတစ်ခု ခံထားပေးရင်၊ အောက်ကိုအစွန်းအထင်းတွေ ပေမှာမဟုတ်တော့ပါဘူး။
• နူးညံ့သန့်ရှင်းတဲ့အ၀တ်စတစ်ခုကို ခွက်ထဲ အနည်းငယ်နှစ်လိုက်ပါ။
• ဖုန်းမှန်ပေါ်က အစင်းရာ အထက်နဲ့အောက်ကို စက်ဝိုင်းပုံစံလမ်းကြောင်းအတိုင်း ဖြည်းညှင်းစွာ ပွတ်ပေးပါ။
• ထို့နောက်၊ ခြောက်သွေ့တဲ့အ၀တ်စတစ်ခုနဲ့ သင့်ဖုန်းမှန်ကို ပွတ်ပေးလိုက်ရင်၊ မှန်ပေါ်က အစင်းရာတွေ ပျောက်ကွယ်သွားတာကို တွေ့မြင်နိုင်ပါတယ်။ (ဒီနည်းလမ်းဟာ အန္တရာယ်အနည်းငယ်ရှိတာကြောင့်၊ လွှဲမရှောင်သာတဲ့အခြေအနေမျိုးမှာမှ သုံးဖို့အကြံပေးချင်ပါတယ်။ ကျွန်တော်တို့ စမ်းသပ်ကြည့်သလောက်၊ သွားတိုက်ဆေးနဲ့ ဖျက်တာကိုက တော်တော်အလုပ်ဖြစ်တာကို တွေ့ရပါတယ်။

Ref: Mashable
http://digitaltimes.com.mm/
အဆင်ပြေပါစေ..

မောင်ပေါက်< Knowledge Note >
www.maungpauk.org

Soft : Mb

UserCloud Download Link

Tusfiles Download Link

Mediafire1 Download Link