မြန်မာဘာသာဖြင့် ဂျီးမေလ်း အသုံးပြုနိုင်ပြီ

မြန်မာဘာသာနဲ့ ဂျီးမေလ်းကို အသုံးပြုနိုင်ပြီလို့ အင်တာနက် ၀န်ဆောင်မှုတွေ ပေးနေတဲ့ ဂူဂဲလ်က ဖေဖော်ဝါရီ ၂၅ ရက်က ကြေညာပါတယ်။
ဒီအတွက် ဂျီမေလ်းကို ဘာသာ ၇၄ ခုနဲ့ အသုံးပြုနိုင်တော့မှာ ဖြစ်ပါတယ်။

လူ ၅၃ သန်းရှိတဲ့ မြန်မာက ပွင့်လင်းလာတဲ့ အတွက် အွန်လိုင်းကို လာရောက်တဲ့ လူအရေအတွက်က ပိုမိုများပြားလာတယ်လို့ ဂူဂဲလ် ထုတ်လုပ်ရေး မန်နေဂျာ ဘရိုင်ယန် ခမ်လာက ပြောပါတယ်။

၂၀၁၁ ခုနှစ်မှာ မြန်မာ လူ ၅ သိန်းခန့် အင်တာနက်ကို အသုံးပြုနိုင်ခဲ့ပြီး လက်ရှိမှာတော့ ၂.၆ သန်း အထိ တိုးတက်လာတယ်လို့ သူက ပြောပါတယ်။

ဘာသာရဲ့ သိမ့်မွေ့မှုကို ဖမ်းဆီးပြီး ဘာသာပြန်တာတွေကို တိကျလိုက်လျော့ညီထွေ ပြည်စုံအောင် လုပ်ဆောင်ထားတယ်လို့ ဆိုပါတယ်။
၂၀၁၃ ဧပြီကလည်း ဂူဂဲလ် ရှာဖွေရေး အင်ဂျင်ကို မြန်မာနဲ့ လုပ်ဆောင်ခဲ့သလို မကြာခင်ကလည်း မြန်မာဘာသာနဲ့ ဂူဂဲလ်မှာ ဘာသာပြန်နိုင်ပြီ ဖြစ်ပါတယ်။

DVB

အဆင်ပြေပါစေ..

မောင်ပေါက်< Knowledge Note >
www.maungpauk.org