Blog Page မှာ ပုံနှင့် ဗွီဒီယိုဖိုင်များတင်ခြင်း

မောင်ဥာဏ်သူ: အစ်ကိုပေါက် ကျွန်တော်ကို တစ်ခုလောက်ကူညီပါဦး ကျွန်တော်ကခုမှ ဘလော့တစ်ခု ထောင်ပါတယ် အဲဒါ Post တင်ရင် ပုံပါတွဲတင်ချင်တာ အဲဒါဘယ်လိုတင်ရသလဲ ရှင်းပြပါဦး လေးစားလျှက်..

မောင်ဥာဏ်သူအပါအ၀င် ဘလော့ကို ခုမှ စတင်လေ့လာသူတွေအတွက် ဗဟုသုတအဖြစ် အကျဉ်းရှင်းပြတင်ပေးလိုက်ပါတယ်..

1.ဓါတ်ပုံတင်မယ်ဆိုရင်.
ဘလော့ရဲ့ ပို့စ်ရေးတဲ့စာမျက်နှာထဲမှာ ကိုတင်ချင်တဲ့ နေရာမှာ ကလစ်တစ်ချက်နှိပ်လိုက်ပြီး Formatting Bar က Insert Image ဆိုတာကို နှိပ်ရမှာဖြစ်ပါတယ်..

ဒါဆိုရင်တော့ ဒီလို Select a file ဆိုတဲ့ဘောက်တစ်ခုကျလာပါမယ်..

ဒီဘောက်ထဲမှာ ဘယ်ဘက်အခြမ်းက Upload ဆိုတာက ကွန်ပျူတာက ပုံကို တင်ဖို့ပါ.. အဲဒါကိုနှိပ်ထားရင် ညာဘက်မှာ Choose Files ဆိုတာပေါ်ပါတယ်.. Choose Files ကိုနှိပ်ရင် ဘောက်တစ်ခုထွက်လာပြီး အဲဒီဘောက်ထဲမှာ ကိုယ်တင်မယ့် ဓါတ်ပုံရှိရာကိုသွား. တင်မယ့်ဓါတ်ပုံကို တစ်ချက်နှိပ်ပြီး Open ကိုနှိပ်ရပါမယ်..
ခဏနေရင် Select a file ဆိုတဲ့အကွက်ထဲကို တင်လိုက်တဲ့ဓါတ်ပုံရောက်လာပါပြီ.. ဓါတ်ပုံကို တစ်ချက်နှိပ်ပြီး Add selected ဆိုတာကိုနှိပ်လိုက်ရင် Page ထဲကို ဓါတ်ပုံရောက်လာပါပြီ

နောက်တစ်ခုက From this blog ဆိုတာပါ.. ဒါက ဒီဘလော့ထဲမှာ အရင်ကတင်ပြီးသားပုံရှိရင် အဲဒီပုံကိုပဲ သုံးမယ်ဆိုတာကိုပြောတာပါ..
ဒါတွေကို မပြောတော့ပဲ အသုံးများတာကိုပဲပြောပါတော့မယ်..
From a URL ဆိုတာပါ... ဒါကတော့ အင်တာနက်ပေါ်က ဓါတ်ပုံတွေရဲ့ URL လိပ်စာကို ထည့်ပေးရပါမယ်.. အဲဒါကတော့ Website ပေါ်က ဓါတ်ပုံတွေကို ညာကလစ်ထောက်ပြီး Copy image location ကိုနှိပ် (သို့မဟုတ်) ဓါတ်ပုံကိုနှိပ်လိုက်ပြီး အပေါ် address bar က url ကိုကူးပြီး Paste ချပေးလိုက်ပါ.. ဒါဆိုရင် Select a file ဆိုတဲ့ဘောက်ထဲကို ဓါတ်ပုံရောက်လာမှာဖြစ်ပါတယ်.. ရောက်လာရင်တော့ Add selected ဆိုတာကို နှိပ်ပေးလိုက်ရင် Post ထဲကို ဓါတ်ပုံရောက်လာမှာပါ..

ရောက်လာတဲ့ဓါတ်ပုံကို တစ်ချက်နှိပ်လိုက်ရင် ပုံရဲ့အောက်နားလေးမှာ Small-Medium-Large- X-large - Original size ဆိုပြီး ဓါတ်ပုံရဲ့ အရွယ်အစားကို ရွေးလို့ရပါတယ်.. သာမန်အားဖြင့်တော့ Medium ကို ရွေးပေးလေ့ရှိပါတယ်.. အဲဒါနဲ့ တစ်တန်းတည်းပဲ. left-Center-Right တစ်ခုခုကိုနှိပ်ပြီး ဓါတ်ပုံကို ဘယ်လိုထားမလဲဆိုတာကိုရွေးပေးနိုင်ပါတယ်..

2. ဗွီဒီယိုဖိုင်တင်ဖို့ကလည်း ဓါတ်ပုံတင်တာနဲ့ အတူတူပါပဲ.. ခုနက ဓါတ်ပုံတင်ဖို့ရွေးခဲ့တဲ့ Insert Image ဆိုတဲ့ပုံရဲ့ ညာဘက်မှာ Insert a video ဆိုတာကိုနှိပ်လိုက်ရပါမယ်..

ဒါဆိုရင် Select a file ဆိုတဲ့ဘောက်ကျလာမှာဖြစ်ပါတယ်.. ဓါတ်ပုံတင်ခဲ့သလို ဘယ်ဘက်က Upload ကိုတစ်ချက်ရွေး. ညာဘက်က Choose a video to upload ကိုနှိပ် ကိုယ့်ကွန်ပျူတာထဲက Video ဖိုင်ကို ရွေးပြီး Open ကိုနှိပ်ပေးရမှာပါ.. From Youtube ဆိုတာမှာတော့ Youtube က ကိုလိုချင်တဲ့ Video ဖိုင်ရဲ့ URL လင့်ကို ထည့်ပေးလိုက်ရုံပါပဲ.. ပုံမပြတော့ဘူးနှော်.. သဘောပေါက်မှာပါ.. အကျယ်တော့ မရှင်းပြတော့ဘူးဗျာ.. ဒါလေး လုပ်ရင်းနဲ့ သိလာပါလိမ့်မယ်..

အဆင်ပြေပါစေ...

မောင်ပေါက်